Hugvísindastofnun

Hugvísindastofnun er vísindaleg rannsóknastofnun sem starfrækt er af Háskóla Íslands og heyrir undir Hugvísindasvið.

Starfsmenn sviðsins sinna jafnt kennslu sem fræðilegum rannsóknum, hver á sínu sviði. Þeir eru aðilar að Hugvísindastofnun, sem hefur það hlutverk að styðja og efla rannsóknir við sviðið og vera vettvangur rannsókna- og þróunarstarfs á fræðasviðum þess.

Aðrar stofnanir innan Hugvísindasviðs eru aðildarstofnanir Hugvísindastofnunar. Þær eru nánar kynntar annars staðar á vefnum.

Forseti Hugvísindasviðs er jafnframt stjórnarformaður Hugvísindastofnunar. Auk hans sitja í stjórn fulltrúar frá aðildarstofnunum og fulltrúi stúdenta úr hópi nemenda í doktorsnámi við Hugvísindasvið.

Skrifstofa Hugvísindastofnunar er hluti af skrifstofu Hugvísindasviðs á 3. hæð í Aðalbyggingar. Stofnunin hefur einnig innan sinna vébanda rannsóknaraðstöðu á 3. hæð í Gimli sem úthlutað er til gistikennara, sérfræðinga, nýdoktora og doktorsnema, sem teljast þá styrkþegar Hugvísindastofnunar.

Auglýst er eftir umsóknum til að vinna að meistaraprófsritgerð í sagnfræði um bindindishreyfinguna á Íslandi. Umsóknafrestur rennur út 6. maí nk. Sjá nánar hér.

Styrkur til MA nema í almennri bókmenntafræði í tengslum við rannsóknaverkefnið "Ómur tilfinninga í miðaldabókmenntum". Frestur rennur út 15. maí 2013. Sjá auglýsingu hér.

Grant for an MA student in comparative literature in connection with the research project "Voice and Emotion in Medieval Literature". Application deadline 15 May. See announcement here.