Kristín Loftsdóttir: Útdráttur og lykilorð

Ritið 1. hefti, 15. árgangur - 2015

Kristín Loftsdóttir: Útlendingar, negrastrákar og hryðjuverkamenn. Kynþáttafordómar í íslenskum samtíma

Greinin fjallar um birtingarmyndir kynþáttahyggju í íslenskum samtíma og leggur til að hugtakið „sakleysi“ geti hjálpað til við að skilja samtíma kynþáttafordóma á Íslandi, þar sem þeim er ekki algjörlega hafnað sem hluta af íslensku samfélagi en oft litið á þá sem „útlenskt“ eða nýtt fyrirbæri. Greinin setur íslenskar hugmyndir í samhengi við þróun kynþáttafordóma í Bandaríkjunum og Evrópu og undirstrikar mikilvægi þess að draga fram kynþáttahyggju sem hugmyndafræði sem hefur hnattræna útbreiðslu en einnig sem sértækar birtingarmyndir sem mótast af menningarlegu og sögulegu samhengi. Einnig er lögð áhersla á mikilvægi þess að skoða hvað er litið á sem kynþáttafordóma í samfélagslegri umræðu á Íslandi og hvernig umræðan byggir oft á afneitun á því að kynþáttafordómar hafi verið til í gegnum söguna á Íslandi.

Lykilorð: Fjölmenning, kynþáttahyggja, kynþáttafordómar, hvítleiki, Evrópa

Deila: 
Þú ert að nota: brimir.rhi.hi.is