Þingkall

Hugvísindaþing, árviss ráðstefna Hugvísindastofnunar, verður haldið í Aðalbyggingu Háskóla Íslands 14. og 15. mars 2014.

Þingkall

Kallað er eftir tillögum að fullskipuðum þemamálstofum á sviði hugvísinda: 

  • Málstofur verða að jafnaði með þremur fyrirlestrum, en rými verður fyrir nokkrar málstofur með fjórum fyrirlestrum og einnig er hægt að senda inn tillögur að tvöföldum málstofum, þ.e. með 2 x 3 fyrirlestrum.
  • Gert er ráð fyrir að hver fyrirlestur sé 20 mín. og tæpar 10 mín. til umræðna.
  • Að jafnaði er gert ráð fyrir að hver fyrirlesari haldi aðeins einn fyrirlestur á þinginu. Nánari upplýsingar um frávik frá því veitir verkefnastjóri Hugvísindastofnunar, hugvis@hi.is
  • Gert er ráð fyrir því að fyrirlesarar sem hafa íslensku að móðurmáli flytji erindi á íslensku.

Skipuleggjendur málstofa eru beðnir að senda tillögur sínar á sérstöku eyðublaði og fylgja leiðbeiningum þar nákvæmlega. (Smellið hér til að opna eyðublað í Word).

Frestur til að skila tillögum er til 31. janúar.

Skipuleggjendur safna einnig saman útdráttum og miðla upplýsingum eftir þörfum til fyrirlesara. Byrjað verður að birta útdrætti á heimasíðu Hugvísindastofnunar 17. febrúar, eftir því sem þeir berast. Lokafrestur til að skila útdráttum er 28. febrúar. Æskileg lengd er 80-200 orð.

Tillögum að málstofum og útdráttum skal skila með tölvupósti til Hugvísindastofnunar, hugvis@hi.is.

Málstofur verða metnar af starfsmönnum Hugvísindastofnunar sem leggja tillögu að dagskrá fyrir stjórn stofnunarinnar. Ef fleiri sækja um málstofur en pláss er fyrir verður litið til þess hvernig málstofurnar dreifast á fagsvið hugvísinda þar sem gætt verður að því að sem fjölbreyttust flóra hugvísinda komist að. Fyrirlestrar sem greina frá niðurstöðum rannsóknaverkefna sem ekki hafa fengið umfjöllun áður, hvort sem þau eru unnin af einyrkjum eða hópum, njóta alla jafna forgangs. Hvatt er til þverfaglegra málstofa. Svör frá Hugvísindastofnun munu berast eigi síðar en 5. febrúar.

Margrét Guðmundsdóttir veitir nánari upplýsingar um þingið, hugvis@hi.is.

Föstudagur, 10. janúar 2014 - 13:30
Þú ert að nota: brimir.rhi.hi.is