Þingkall

Hugvísindaþing, árviss ráðstefna Hugvísindastofnunar, verður haldið í Aðalbyggingu Háskóla Íslands 13. og 14. mars.

Kallað er eftir tillögum að fullskipuðum málstofum. Allar málstofur á þinginu munu fjalla um efni á sviði hugvísinda en hvatt er til að efna til málstofa um þverfræðileg efni (t.d. um ljós eða eitthvað sem tengist ljósi).

  • Málstofur verða að jafnaði með þremur fyrirlestrum, en rými verður fyrir nokkrar málstofur með fjórum fyrirlestrum og einnig er hægt að senda inn tillögur að tvöföldum málstofum, þ.e. með 2 x 3 fyrirlestrum.
  • Gert er ráð fyrir að hver fyrirlestur sé 20 mín. og tæpar 10 mín. til umræðna.
  • Að jafnaði er gert ráð fyrir að hver fyrirlesari haldi aðeins einn fyrirlestur á þinginu. Nánari upplýsingar um frávik frá því veitir verkefnastjóri Hugvísindastofnunar, hugvis@hi.is.
  • Fyrirlestrar á þinginu eru að jafnaði á íslensku. 

Skipuleggjendur málstofa þurfa að senda tillögur sínar á sérstöku eyðublaði og fylgja leiðbeiningum þar nákvæmlega.

Eyðublað fyrir tillögur.

Frestur til að skila tillögum er til 30. janúar 2015.

Skipuleggjendur safna einnig saman útdráttum í samvinnu við verkefnastjóra Hugvísindastofnunar og miðla upplýsingum eftir þörfum til fyrirlesara. Byrjað verður að birta útdrætti á heimasíðu Hugvísindastofnunar 16. febrúar, eftir því sem þeir berast. Lokafrestur til að skila útdráttum er 23. febrúar. Æskileg lengd er 80-200 orð.

Tillögum að málstofum og útdráttum skal skila með tölvupósti til Hugvísindastofnunar, hugvis@hi.is.

Málstofur verða metnar af starfsmönnum Hugvísindastofnunar sem leggja tillögu að dagskrá fyrir stjórn stofnunarinnar. Ef fleiri sækja um málstofur en pláss er fyrir verður litið til þess hvernig málstofurnar dreifast á fagsvið hugvísinda þar sem gætt verður að því að sem fjölbreyttust flóra hugvísinda komist að. Einnig verður tekið mið af þema þingsins við val á málstofum. Fyrirlestrar sem greina frá niðurstöðum rannsóknaverkefna sem ekki hafa fengið umfjöllun áður, hvort sem þau eru unnin af einyrkjum eða hópum, njóta alla jafna forgangs. Svör frá Hugvísindastofnun munu berast eigi síðar en 6. febrúar.

Margrét Guðmundsdóttir veitir nánari upplýsingar um þingið, hugvis@hi.is.

Deila: 
Þú ert að nota: brimir.rhi.hi.is