Védís Ragnheiðardóttir

Tölvupóstfang: ver2@hi.is

 

Doktorsnám: Íslenskar bókmenntir

 

Leiðbeinandi: Ármann Jakobsson

 

Heiti doktorsverkefnis: Tilkoma og þróun frumsaminna riddarasagna í ljósi miðaldaævintýra

 

Um doktorsverkefnið:

 

Meginmarkmið verkefnisins er að rannsaka tilkomu og þróun frumsaminna riddarasagna í ljósi svokallaðra exempla, sem ganga í norrænum frumheimildum undir ýmsum nöfnum, svo sem ævintýr, dæmi og dæmisaga, og hafa verið skilgreind sem stuttar sögur með fræðandi boðskap. Lögð er áhersla á þau ævintýr sem þýdd voru úr latínu á 12. og 13. öld og voru gefin út á 19. öld undir nafninu Islendzk æventyri. Tilgáta rannsóknarinnar verður prófuð á þrjá vegu: 1) athugun á miðaldahugtakanotkun um þessar tvær bókmenntagreinar, 2) tilviksrannsókn á tveimur textum (Klári sögu og Drauma-Jóns sögu), og 3) almennur samanburður minna milli bókmenntagreinanna. Meginaðferðafræðin að baki verkefninu er samanburðarlestur og nákvæmur lestur. Í tilviksrannsóknunum verða textar sagnanna bornir saman við ævintýr, rómönsur og þjóðsögur. Í almennum samanburði á notkun minna verður beitt nákvæmum samanburðarlestri á frumsamdar riddarasögur og ævintýr. Verkefnið er mikilvægt framlag á sviði norrænna miðaldabókmennta, það mun varpa nýju ljósi á tilkomu og þróun frumsaminna riddarasagna og draga inn í umræðuna hið vanrækta rannsóknarsvið ævintýr. Þá mun verkefnið skerpa skilning á íslensku miðaldasamfélagi og bókmenntunum sem það framleiddi.

 

Deila: 
Þú ert að nota: brimir.rhi.hi.is