Ritið, tímarit Hugvísindastofnunar

Hugvísindastofnun gefur út tímaritið Ritið sem kemur út þrisvar á ári. Hvert hefti er tileinkað ákveðnu þema en einnig eru birtar greinar á öllum sviðum hugvísinda auk greina um bækur og þýðingar á nýjum og klassískum lykilgreinum hugvísinda. Ritið er ritrýnt og kemur út þrisvar á ári.

Stefnan með útgáfu Ritsins er að gefa fólki kost á að lesa öflugt og vandað fræðirit sem er í fararbroddi menningar- og þjóðfélagsumræðu á Íslandi.

Ritið hóf göngu sína 2001 og frá árinu 2018 hefur það komið út í opnum aðgangi, sjá nánar á vef Ritsins. Eldri tölublöð má nálgast á vefnum Tímarit.is.

Kallað er eftir efni fyrir þemahefti á vefsíðu Ritsins. Þar má einnig nálgast leiðbeiningar um lengd og frágang greina.