How important does the artist's touch become in an environment when it is no longer needed? This talk will explore how the intersection of the artist's hand and technology is a fertile ground for new creative processes in art by looking at the practices of several artists working today.

Agnes Ársælsdóttir, nemi í sýningargerð, miðlun og sýningarstjórnun, mun fjalla um listrannsóknir Borghildur Óskarsdóttur sem oftar en ekki fléttast saman við önnur fagsvið, svo sem ættfræði, sagnfræði og bókmenntir. Í verkum Borghildar má finna áleitnar spurningar um sögu þjóðar, siðferði náttúru og líf forfeðranna. Agnes hefur undanfarin misseri verið starfsnemi listheimspekingsins Aðalheiðar L. Guðmundsdóttur sem vinnur nú að uppsetningu yfirlitssýningar á verkum Borghildar sem opnar á Kjarvalsstöðum 16. mars næstkomandi. Meðfram sýningunni kemur út vegleg bók um ævistarf Borghildar sem spannar rétt rúmlega 60 ár. Sýningin er annar hluti af þremur í rannsóknarverkefni Listasafns Reykjavíkur og Háskóla Íslands sem leitast við að varpa frekara ljósi á hlut kvenna í íslenskri myndlistarsögu. Verkefnið hlaut Öndvegisstyrk Safnaráðs 2021 til þriggja ára.

Þótt gervigreind hafi verið þáttur í listsköpun í áratugi hefur hún fyrst nýverið vakið athygli almennings. Egill Sæbjörnsson hefur um árabil notað tölvuvinnslu við að gera kvika myndlist, þar sem sýndarmyndir spila saman við raunverulega hluti á einfaldan en áhrifaríkan hátt. Nýverið hefur hann tileinkað sér aðferðir gervigreindar til að þróa ímyndaheim sinn, nokkuð sem var áberandi í sýningu hans í Listasafni Íslands haustið 2023. Þar nýtir hann tæknina til að semja samræður trölla sín á milli og til þess að breyta ásýnd áhorfenda á einfaldan hátt. Þótt Egill nýti sér tæknina við gerð myndanna felst samt sem áður ákveðin gagnrýnisbroddur í framsetningunni — tröll Egils eru því nokkurs konar „net-tröll“ í reynd og hegða sér sem slík. Ég skoða þessi verk Egils og greini í samhengi sögu tölvustuddrar myndlistar og nýtingu gervigreindar.