Um stofnunina
Hugvísindastofnun heyrir undir Hugvísindasvið Háskóla Íslands og er miðstöð rannsókna á sviðinu. Stofnunin tók til starfa árið 1998. Stjórn Hugvísindasviðs er jafnframt stjórn stofnunarinnar og er forseti Hugvísindasviðs stjórnarformaður. Fagráð Hugvísindastofnunar er skipað fulltrúum frá aðildarstofum sem eru níu talsins og fulltrúa stúdenta úr hópi nemenda í doktorsnámi við Hugvísindasvið.
Unnur Hjaltadóttir
fulltrúi stúdenta
Jóna Gréta Hilmarsdóttir
áheyrnafulltrúi stúdenta
Piergiorgio Consagra
Fulltrúi doktorsnema
Fastir starfsmenn sviðsins eiga aðild að einni rannsóknastofu á sínu fagsviði og nefnast þær grunnstofur. Þær eru sameiginlegur vettvangur þeirra sem fást við rannsóknir af sama meiði.
Hugvísindastofnun er sameiginlegur vettvangur þessara grunnstofa og eru þær sex að tölu, sjá nánar hér.
Um grunnstofur gilda sameiginlegar reglur, en hver grunnstofa markar sér stefnu í samræmi við þær. Sjá reglur.
Samkvæmt reglum Hugvísindastofnunar geta einnig starfað innan hennar þverfræðilegar rannsóknastofur með heimilisfesti á Hugvísindasviði.
Reglur þverfræðilegra rannsóknastofa
- Edda - öndvegissetur
- RIKK - Rannsóknastofnun í jafnréttisfræðum
- Siðfræðistofnun
Enn fremur geta Hugvísindastofnun og grunnstofur, í samráði við stjórn Hugvísindastofnunar, komið á fót rannsóknastofum sem sinna tilteknum rannsóknaverkefnum, rannsóknasviði eða samstarfi af ýmsu tagi. Þá hefur Hugvísindastofnun gert samstarfssamning við stofnanir og rannsóknasetur sem starfa á sviði hugvísinda.
Slíkar stofur eru misjafnar að umfangi og formfestu samkvæmt Starfsreglum um fyrirkomulag rannsóknastofa innan Hugvísindasviðs. Þær geta talist „formlegur vettvangur rannsóknastarfs og/eða samvinnu sem hefur umfangsmikla starfsemi að mati stjórnar Hugvísindastofnunar, ekki síst hvað varðar fjárhagslegan rekstur“. Hugvísindastofnun setur rannsóknastofum af þessu tagi sérstakar starfsreglur. Aðrar rannsóknastofur eru skilgreindar sem „formlegur vettvangur rannsóknastarfs og/eða samvinnu á vel afmörkuðu sviði sem hefur ekki reglubundinn fjárhagslegan rekstur en krefst formlegs ramma um starfið að mati stjórnar Hugvísindastofnunar“. Um þær gilda sameiginlegar starfsreglur. Flestar rannsóknastofur teljast hins vegar „óformlegur vettvangur rannsóknastarfs og/eða samvinnu á vel afmörkuðu sviði sem hefur ekki reglubundinn fjárhagslegan rekstur“ þar sem ekki er gerð krafa um stjórn og formlega stjórnsýslu en starfið lýtur skilgreindum viðmiðum.
Rannsóknastofurnar hafa ýmist eigin vefsíður eða eru kynntar á vefsíðum aðildarstofanna:
Kynning á síðu Bókmennta- og listfræðastofnunar er hér.
Kynning á síðu Guðfræðistofnunar er hér:
Kynning á síðu Málvísindastofnunar er hér.
Kynning á síðu Stofnunar Vigdísar Finnbogadóttur í erlendum tungumálum er hér.
Miðaldastofa.
Rannsóknastofa í fornleifafræði.
Þýðingasetur
Vigdísarstofnun